由主唱 松田歩 以及結他手 別府純 兩人於2022年組成，「離婚伝説」呢個名字來源係騷靈大王 Marvin Gaye 於1978年發表嘅失婚大碟《Here, My Dear》，取其日版翻譯碟名而來。

 

一如團名揭示，離婚伝説 從諸如 Stevie Wonder 等soul funk名宿藝人取經，以節奏律動結合日系流行旋律觸覺，發展出一種新派懷舊風格，連台風都帶有昭和歌星嘅復古風采，被日本媒體評為令和city pop新標準。

 

離婚伝説 作品多以”愛”為創作主軸，早期單曲〈Love is more Mellow (愛が一層メロウ)〉迅速得到外界關注，再以一首〈Never Let Me Go〉走紅，東京事変 結他手 長岡亮介（浮雲） 亦曾表示相當喜愛兩子嘅音樂係fans之一。去年以獨立發行方式推出首張同名大碟後，離婚伝説 正式主流出道，率先登上J-pop 指標性平台《THE FIRST TAKE》，今年再發表〈紫陽花〉等人氣新作，開始進軍海外嘅二人將於 Clockenflap 2025 作首度香港公演，留意開日本樂壇嘅你自然唔會錯過！