解散後沿用樂隊招牌，英國唱作人 Mike Rosenberg 化名 Passenger 後經歷五年宛如現代吟遊詩人，周遊列國到處busking嘅時光；直至2013年，依然懷抱音樂夢嘅佢，某晚喺後台隨手寫下自己情傷心聲嘅〈Let Her Go〉，估唔到就此成為一首Spotify至今累積超過25億串流點播嘅現象級名曲。

該曲先喺英國及荷蘭直衝各大排行榜，再喺老友 Ed Sheeran 大力幫推下紅足兩年，由歐洲走入北美再到全世界，數以千萬計嘅樂迷透過呢首大熱情歌認識到 Passenger，而 Mike 亦無因為一夕爆紅而怠惰，以接近一年一碟嘅速度持續推出新專輯，追隨偶像 Bob Dylan、Paul Simon 及 Neil Young 永不言倦嘅創作態度。

近兩年 Passenger 投放更多時喺巡演活動上，多少有點回歸佢隨走隨唱嘅原點，12月佢將會登上 Clockenflap 舞台，與香港樂迷現場分享每首歌曲中嘅故事。