由細美武士、生形真一、高田雄一、高橋宏貴四人組成，根植千葉縣嘅 ELLEGARDEN 係千禧年代日本pop punk旗手，憑住〈ジターバグ〉、〈Missing〉、〈風の日〉、〈Space Sonic〉等熱血單曲收穫無數樂迷，2006年更憑藉大碟《Eleven Fire Crackers》更成為史上第四組奪得日本oricon排行榜冠軍嘅獨立樂隊。

受Weezer、Jimmy Eat World 等美國樂隊影響，ELLEGARDEN曲式風格充滿爆發力，歌詞內容一直抱持正面積極，現時許多大牌樂隊例如 ONE OK ROCK 等都直言EG係自己嘅啟蒙偶像，江湖地位可想而知。2008年，ELLEGARDEN喺聲勢巔峰決定休團，直至2018年再復出，舉辦演出不時會引來幾十萬樂迷抽飛，人氣有增無減。最近更為國民級動畫《ONE PIECE》獻唱全新片頭曲。12月7號，呢隊指標性日本搖滾大佬將會繼2023年專場後再度襲港，喺Clockenflap舞台上帶嚟更暢快淋漓嘅演出。