由Moto、Maika、Lily三人組成嘅活力少女組 Chilli Beans.，團名既係向心愛樂隊 Red Hot Chilli Peppers 致敬而來，一粒「豆」子亦有寄語樂隊茁壯成長嘅含意；辣豆子曲風理所當然地充滿90年代流行搖滾風情，同時糅合grunge與及funk rock兩大樂種嘅影響，配搭三人以清爽優美和聲，大唱可愛而黑暗嘅歌詞，好難唔紅。

先透過2021年單曲〈lemonade〉引起樂迷熱議，再與日本流行奇才 Vaundy 二度合作一首破千萬串流點播嘅〈rose〉，加上為長壽大動畫《ONE PIECE》創作十七年來首支片尾曲〈Raise〉，Chilli Beans. 聲勢絕對係逐年急昇，呢頭做完 Two Door Cinema Club 台灣專場嘅開場嘉賓，轉頭上年已經達成登上武道館公演嘅目標。

三位復古時尚超元氣嘅演出風格，最適合喺戶外音樂節下放鬆感受，今年香港有 Chilli Beans. 喺 Clockenflap 等大家現場參戰！