DJ FABSABS (POMEGRANATE SOUNDS) (星期日)

DJ FABSABS (POMEGRANATE SOUNDS) (星期日)

人稱DJ Fabsabs嘅Pete Sabine每次出場都技驚四座!不論funk、hip hop、punk或者indie組曲,甚至係cumbia、非洲音樂同80年代廣東歌通通都難佢唔到,總之有Fabsabs嘅party就包無悶場!無時停嘅佢經常一邊打碟一邊un,加上別樹一格又活力十足嘅打歌風格,令Fabsabs贏得「真人版勁量兔」嘅綽號。初出道嘅Fabsabs遊走愛丁堡Fresh Air FM、格拉斯哥Subcity同聖地牙哥KSDT三個電台,為獨立音樂節目打歌,打出名堂之後更登上倫敦Resonance FM電台擔任客席主持。不過,由杜拜出show出到上海嘅Fabsabs仍然心繫香港呢個屋企,不時狽住個speaker到學校表演,細至灣仔巷仔大至蘭桂坊嘅夜場都可以見到佢嘅身影。不過講到至愛嘅「蒲點」,佢就話非7仔莫屬。Fabsabs瓣數多籮籮,除咗做DJ,佢同時係混音師兼製作人,亦經常喺多個網絡平台分享音樂。