About slider zh-hant

WHY CLOCKENFLAP?

“發掘”,從來都係世上其中一樣最美好嘅事情,亦係我哋舉辦Clockenflap嘅最大動力。每一年我哋都會精挑細選多元化嘅音樂及藝術節目 — 來自世界各地,種類包羅萬有!我哋將所有好嘢嚟個港式大雜燴,等你去現場發掘,等你去親身體驗。

過去八年我哋迎接過唔同嘅觀眾,每一個人都有自己參加Clockenflap嘅原因:可能係想睇心儀咗好耐嘅神級樂隊;可能係想遇見唔同嘅人,體驗唔同嘅文化及生活方式;可能想同朋友喺繽紛多元嘅環境中盡情玩樂,跳出日常生活嘅框架……每次我哋最開心嘅就係見到大家面上樂而忘返嘅滿足笑容。

而呢一切,未親身體驗過,好難想像。為此我哋訪問咗幾位過去以不同身份參加過Clockenflap嘅朋友,由藝術家、音樂家到普羅大眾都有。你可以從佢哋角度知多一啲,明白Clockenflap多一啲啲。最重要係,我哋誠邀你成為呢個獨特嘅宇宙不可或缺嘅一部分。