....HUH!? (星期六)

香港
....HUH!? (星期六)

闊別香港舞台將近二十年,香港殿堂級獨立樂隊....HUH!?將會現身Clockenflap 2016!一首「究竟應該點?」近年喺年輕樂迷間口耳相傳,被譽為廣東歌之中嘅傳奇作品,一聽就會記一世。

 
1994年12月30日,橙色衫嘅阿Tim喺香港大會堂開唱「究竟應該點?」,一句「我好想改變」代替千萬少年吶喊,不經不覺已經廿二年。由Edmund Leung、Tim、Ian(田雞)、肥仔明組成,....HUH!?於1992至97年間發表四張大碟,而《WHAT A DRAG》及《When The Light Is Low》一直被視為本地獨立音樂經典。成名作「Beautiful Night」當年成為有劉德華聲演嘅903廣播劇《全職殺手》主題曲,2007年又被香港導演彭浩翔選為電影《破事兒》片尾配樂,無論咩年代聽都一樣咁生猛,咁出眾。去年....HUH!?喺台灣大港開唱驚喜復出大受好評,相隔二十年能夠再次睇見佢哋喺香港舞台上嘅演出,絕對要親身見證。